Az
Azərbaycan FinTex Assosiasiyası (AzFina) olaraq, İslam bankçılığı və maliyyəsi sahəsində regional inkişafı təşviq edən beynəlxalq təşəbbüslərə dəstəyimizi davam etdiririk. Bu istiqamətdə atılan növbəti addım – 4-cü İslam Bankçılığı Sertifikasiya Proqramı (CIS 2025) çərçivəsində rəsmi tərəfdaş kimi çıxış etməyimiz oldu.
Proqram 16 iyun tarixində Özbəkistanın paytaxtı Daşkənd şəhərində, nüfuzlu beynəlxalq təşkilat olan AlHuda CIBE-nin təşəbbüsü ilə baş tutacaq. Tədbir İslam maliyyəsi üzrə bilik və bacarıqların artırılması, innovativ yanaşmaların öyrənilməsi və qlobal təcrübələrin paylaşılması baxımından iştirakçılar üçün nadir bir fürsət təqdim edir.
📢 AzFina olaraq bu kimi təşəbbüslərə dəstək verməyə davam edəcəyik. İslam maliyyəsi sahəsində dərin biliklərə yiyələnmək və peşəkar şəbəkəyə qoşulmaq istəyən hər kəsi bu proqramdan yararlanmağa dəvət edirik.